Sitara and Aadya unveils Mahesh babu new movie logo
కొరటాల శివ దర్శకత్వంలో ‘భరత్‌ అనే నేను’ లాంటి బిగ్గెస్ట్ హిట్‌ తరువాత మహేష్ బాబు వంశీ పైడిపల్లి దర్శకత్వంలో చేస్తున్న#ssmb25 మూవీపై అందరి దృష్టి నెలకొంది. ఎందుకుంటే మహేష్ బాబు కెరీర్‌లో ఇది 25వ సినిమా. ఈ చిత్రం కోసం మహేష్ గడ్డం మరియు మీసం పెంచి ఒక సరికొత్త లుక్‌ ట్రై చేస్తుండటంతో అభిమానుల్లో అంచనాలను భారి స్థాయిలో పెంచేస్తోంది.
ఈ నెల అనగా ఆగస్టు 9న సూపర్ స్టార్ మహేష్ బాబు పుట్టినరోజు. ఆ రోజున ఈ ప్రతిష్టాత్మక మహేష్ 25వ సినిమా ఫస్ట్‌ లుక్‌ను అభిమానులకు కానుకగా ఇవ్వనున్నట్లు తెలుస్తోంది. దీనిలో భాగంగానే శనివారం సాయంత్రం మహేష్ కూతురు సితార, వంశీ పైడిపల్లి కూతురు ఆద్యలు ఈ సినిమా లోగోను రివీల్‌ చేశారు. ఈ సినిమా లో పూజా హెగ్డే కథా నాయికగా నటిస్తున్నారు.
