Victory Venkatesh Voiceover Srinivasa Kalyanam
మొదటి సినిమా శతమానం భవతితోనే ఘన విజయం సాధించిన డైరెక్టర్ సతీష్‌ వేగేశ్న దర్శకత్వంలో తెరకెక్కుతున్న తాజా కుటుంబ కథ చిత్రం శ్రీనివాస కళ్యాణం. నితిన్‌, రాశీఖన్నాలు హీరో హీరోయిన్లుగా తెరకెక్కుతున్న ఈ చిత్రాన్ని ప్రముఖ నిర్మాత దిల్‌ రాజు నిర్మిస్తున్నారు. ఇప్పటికే దాదాపు అన్ని కార్యక్రమాలు పూర్తి చేసుకున్న ఈ చిత్రం ఆగస్టు 9న ప్రేక్షకుల ముందుకు వస్తుంది.
ఒక మంచి పెళ్లి సందడి నేపథ్యంలో తెరకెక్కుతున్న ఈ మూవీ కి ప్రముఖ సీనియర్‌ హీరో, విక్టరీ వెంకటేష్‌ వాయిస్‌ ఓవర్‌ అందిస్తున్నారు. లై, ఛల్‌ మోహన్‌ రంగ వంటి సినిమాలతో నిరాశపరిచిన హీరో నితిన్‌.. శ్రీనివాస కళ్యాణం సినిమా మీద చాలా ఆశలు పెట్టుకున్నాడు. ఈ చిత్రంలో ప్రకాష్ రాజ్, జయసుధ, నందిత శ్వేతలు ఇతర కీలకపాత్రల్లో నటిస్తున్నారు. ఈ సినిమాకు మిక్కీ జే మేయర్‌ మ్యూజిక్ అందిస్తున్నాడు. ఇప్పటికే ఈ సినిమా యూనిట్ మూవీ ని ప్రమోట్ చేసే పనిలో బిజీ గా ఉన్నారు..
